9/11 Loose Change

REKLAMOJENI VEHTEN QË EDHE NE TË REKLAMOHEMI !!!

Lidhur me pëmbledhjen e tregimeve KAPITEN LIKA CENI për hir të mirëkuptimit po i them dy fjalë me qëllim që lexuesit t'i kuptojnë sa më mirë.

Autorja e këtyre prozave Vildana Dervishi është një entuziaste e flakët e krijimeve popullore në tërësi sidomos e atyre të detarëve ulqinak në veçanti. Këtë dashuri fisnike e trashëgoi nga nendaja e saj Sabrije Karaminxhoja që është një zonjë e një familjes me traditë të madhe detare ulqinake. Andaj, në këto proza të vyeshme është misbëruar tradita dhe pasuria e madhe shpirtërore e mjedisit ku është brumosur autorja e cila në shumë segmente reflekton identitetin tonë kombëtar dhe vazhdimësin kontinuitive iliro-shqiptare si dhe vlerat e mëdha estetike të kulturës sonë shpirtërore e materiale. Tematika e gjerë dhe e larmishme i japin këtyre tregimeve një peshë të veçantë që e nxisin lexuesin që mos ti heq dore deri në fund të leximit.

Në tërië këtë hapësirë bregdetare kallzimet popullore për Lika Cenin, Bego Bobotin, Ali Uruçin, Lugu i Xhemiles, Haxhi Aliu dhe qindra detarëve të tjerë, janë ende të gjalla. Fatmirja në dyluftim me bajlozin e detit" tregon heroizmin tradicional të femrave tona e cila është një vlerë inspiruese për trajtime letrare të zhanreve të ndryshme. Kur mora të hartoj monografinë "Deti dhe detarët në letësinë popullore shqiptare" gjatë kërkimeve materiale në Shqipëri gjatë bisedave krijuese me Zihni Sakon, Qemal Haxhiasanin, Aleks Budën, që të gjithë këto shkencetar të njohur ishin të mendimit që vatra më e pasur e krijimtarisë lidhur me detin dhe detarët për shqiptarët në tërësi është Ulqini. Kështu hulumtimet në këtë fushë të krijimtarisë popullore në hapësirën tonë bregdetare jo vetëm që nuk janë shterrur në asnjë aspekt të segmenteve krijuese, por që posedohet lëndë e madhe materiale shpirtërore e cila ende nuk ështië prekur nga hulumtuesit dhe krijuesit shqiptarë.

Kjo është vepra e parë e autores e cila ëshbë rrekur t’i përpunojë dhe ta qes në dritë një pjes të krijimeve të gjeniut popullor e vetëdijshme që nuk janë të përsosura. Vildana ka talent dhe na jep shpresë që lexuesve t'u dhurojë edhe vepra të tjera.
Tregimet janë shoqëruar me vizatime të vet autores të cilat ia begatojnë vlerën për lexuesit e rinj të cilët do ta përdorin si literaturë të vyeshme plotësuese.